"ಆಲ್ ಈಸ್ ವೆಲ್"

ಶೀಟಿ ಬಜಾಕೆ ಬೋಲ್ "ಆಲ್ ಈಸ್ ವೆಲ್" , ವಾವ್ ಸೂಪರ್ ಸಿನೆಮಾ ೩ ಈಡಿಯಟ್ಸ್. ನಮಗೆ ಸಿನೆಮಾ ಇರಲಿ ಗುರುಗಳ ಹಿತೋಪದೇಶ ಇರಲಿ, ಸುಮಧುರ ಸಂಗೀತ ಇರಲಿ, ಯಕ್ಷಗಾನದ ಅರ್ಥ ಪದ್ಯ ಇರಲಿ ಅಥವಾ ಬರಹಗಳಿರಲಿ ತುಂಬಾ ಇಷ್ಟವಾಗಿ "ವಾವ್" ಎಂಬ್ ಉದ್ಘಾರ ಹೊರಡುವುದು ಅಂತಹದ್ದೊಂದು ವಿಚಾರ ನಮ್ಮ ಮೆದುಳೊಳಗೆ ಇದ್ದಾಗಲೆ. ನಮ್ಮ ಮಿದುಳೊಳಗೆ ಅದೇ ತರಹದ ಆಲೋಚನೆ ಇದ್ದಾಗ ಹೊರಗೆ ಅದಕ್ಕೆ ಇಂಥಹ ಆಹಾರ ಸಿಕ್ಕಾಗ ಸ್ಪಂದಿಸಿ ಸಂತೋಷ ಉಂಟಾಗುತ್ತದೆ.

ಹಿಗ್ಗಾಮುಗ್ಗ ಖಂಜೂಸ್ ಸ್ವಭಾವದ ಜನರಿಗೆ ಅಂತಹ ಪಾತ್ರವುಳ್ಳ ಸಿನೆಮಾಕ್ಕೆ ಯಾರಾದರೂ ಪುಕ್ಕಟೆ ಕರೆದುಕೊಂಡು ಹೋಗಿ ತೋರಿಸಿದರೆ ಚಕ್ಕನೆ ಇಷ್ಟವಾಗುತ್ತದೆ. ದೇವರು ಮಠ ಮಾನ್ಯ ಅಂತ ಇಷ್ಟವಿಲ್ಲದವರಿಗೆ ಕನ್ನಡದ ಮಠ ಸಿಕ್ಕಾಪಟ್ಟೆ ಖುಷ್. ಸ್ವಾಮಿಯೇ ಶರಣಂ ಅಯ್ಯಪ್ಪ ಭಕ್ತರಿಗೆ ಅದೇ ಸಿನೆಮಾ ಹಾರ್ಟ್ ಟಚ್. ಎಣ್ಣೆ ಹೊಡೆಯೋ ಅಭ್ಯಾಸವಿದ್ದವರಿಗೆ ಮತ್ತೊಬ್ಬರೂ ಅದೇ ಕೆಲ್ಸ ಮಾಡ್ತಾ ಇದಾರೆ ಅಂದಕೂಡಲೆ ಫುಲ್ ಖುಷ್. ಹುಡುಗಿ ಹಿಂದೆ ಬೀಳುವ ಮನಸ್ಸಿದ್ದವರಿಗೆ "ನಿಂಬೆ ಹಣ್ಣಿನಂತ ಹುಡುಗಿ ಬಂತು ನೋಡು..." ಮುದ ನೀಡುತ್ತದೆ.

ಹೀಗೆಲ್ಲಾ ಇದೆ ಆದರೆ ನನಗೆ ೩ ಈಡೀಯಟ್ ಕುಷ್ ಕೊಟ್ಟಿಕಾರಣ. ಸಿಕ್ಕಾಪಟ್ಟೇ ಓದಿ ಕೆಲಸ ಮಾಡಿ ಹಣ ಸಂಪಾದಿಸುವುದರಲ್ಲಿ ಅರ್ಥವಿಲ್ಲ, ಜಾಲಿಯಾಗಿ ಇದ್ದರೆ ಓಕೆ , ಅಷ್ಟು ತಲೆಕೆಡಿಸಿಕೊಂಡು ಓದಿದ ಸೈಲೆನ್ಸರ್ ಜಾಲಿಯಾಗಿರುವ ಅಮೀರ್ ಕೆಳಗೆ ಬಂದುಬಿಡುತ್ತಾನೆ. ವಾವ್ ಸೂಪರ್ ಕಣ್ರಿ ಸೂಪರ್.

ನಾನೂ ಓದಲಿಲ್ಲ ಜಾಲಿಯಾಗಿದ್ದೆ ಆದರೆ ಓದದೆಯೋ ಅಮೀರ್ ಖಾನ್ ತರಹ ಬುದ್ದಿವಂತನಾಗಿರಲಿಲ್ಲ ಎಂಬುದು ಅರ್ಥವಾಗಿದ್ದರೆ
........!