ಚಾರ್ಲಿ ಚಾಪ್ಲಿನ್ ಹೇಳಿದ ಮೂರು ಮಾತುಗಳು.

"ಚಾರ್ಲಿಚಾಪ್ಲಿನ್ " ಈ ಹೆಸರು ಕೇಳಿದಕೂಡಲೇ ನಗೆ ಉಕ್ಕದವರಿಲ್ಲ. ಕಪ್ಪುಬಿಳುಪು ಕಾಲದಲ್ಲಿ ತನ್ನ ಚಿತ್ರ ವಿಚಿತ್ರ ಹಾವಭಾವಗಳಿಂದ ಆತ ಪ್ರೇಕ್ಷಕರನ್ನೂ ನಗೆಗಡಲಲ್ಲಿ ತೇಲಿಸುತ್ತಿದ್ದ. ಹಾಗೆಯೇ ಮತ್ತೊಂದು ಮುಖದಲ್ಲಿ ಕಣ್ಣಿರು ಹರಿಸುತ್ತಿದ್ದ. ಆತನ ವೈಯಕ್ತಿಕ ಜೀವನ ದು:ಖದಾಯಕವಾಗಿತ್ತು. ಹಾಗಾಗಿ ಅದರಿಂದ ಆತ ಹೊರಬರಲು ಆತನಿಗೆ ನಗು ಅನಿವಾರ್ಯವಾಗಿತ್ತು. ಆತ ತನ್ನ ಚಲನಚಿತ್ರಗಳಲ್ಲಿ ಜೀವನಾಣುಭವವನ್ನೇ ನೀಡುತ್ತಿದ್ದುದರಿಂದ ಅದು ಜನರ ಅಚ್ಚುಮೆಚ್ಚಾಗುತ್ತಿತು. ಇರಲಿ ಅದು ಆತನ ಕತೆಯಾಯಿತು ಇಲ್ಲಿ ಆತ ಹೇಳಿದ ಸಾರ್ವಕಾಲಿಕ ಸತ್ಯವಾದ ಮೂರು ಮಾತುಗಳು ಯಾವುದು ಅಂತ ನೋಡೋಣ.
"ಈ ಜಗತ್ತಿನಲ್ಲಿ ಯಾವುದೂ ಶಾಶ್ವತವಲ್ಲ, ನಮ್ಮನ್ನು ಕಾಡುವ ಸಮಸ್ಯೆಯೂ ಸೇರಿದಂತೆ.""ಅತೀ ವ್ಯರ್ಥವಾದ ದಿನವೆಂದರೆ, ದಿನಪೂರ್ತಿ ಒಂದೇ ಒಂದು ಸಲವೂ ನಗದಿರುವುದು"ಇವೆರಡು ಒಂದು ತೂಕದ ವಾಕ್ಯಗಳಾದರೆ ಚಾರ್ಲಿ ಹೇಳಿದ ಮೂರನೇ ವಾಕ್ಯ ಆತನ ಜೀವನವನ್ನು ನಮ್ಮೆದುರು ತೆರೆದುಕೊಳ್ಳುತ್ತದೆ."ನನಗೆ ಮಳೆಯಲ್ಲಿ ಓಡಾಡುವುದೆಂದರೆ ತುಂಬಾ ಇಷ್ಟ, ಕಾರಣ "ನನ್ನ ಕಣ್ಣೀರು ಯಾರಿಗೂ ಕಾಣಿಸುವುದಿಲ್ಲ".ಅಂಥಹ ಮೇರು ನಟ ಮತ್ತೆ ಹುಟ್ಟಲಿಲ್ಲ, ಹುಟ್ಟಿ ಬರಲಾರ ಅನ್ನಿಸುತ್ತದೆ. ಹಾಗಾಗಿ ಜಗತ್ತಿಗೊಬ್ಬನೆ ಚಾರ್ಲಿ ಇದ್ದ .