ಗಗನದಲ್ಲಿ ಹಕ್ಕಿಯಂತೆ ಹಾರಾಟ

ಗಗನದಲ್ಲಿ ಹಾರಾಡುವ ಮನುಷ್ಯನ ಕನಸು ಬಹಳ ಹಿಂದಿನದು. ರೈಟ್ಸ್ ಸಹೋದರರ ಪರಿಶ್ರಮದಿಂದ ಅದು ವಿಮಾನದಮೂಲಕ ಸಾದ್ಯವಾಯಿತು ಅಂತ ಇತಿಹಾಸದ ಪುಸ್ತಕಗಳು ಹೇಳುತ್ತವೆ.ಆನಂತರ ಹೆಲಿಕ್ಯಾಪ್ಟರ್ ಹೀಗೆ ಮುಂದುವರೆಯುತ್ತಲೇ ಸಾಗುತ್ತದೆ ನಾನಾರೀತಿಯ ಮನುಷ್ಯನ ಹಾರಾಟ. ಆದರೆ ಮನುಷ್ಯ ಇನ್ನೂ ಪಕ್ಕಾ ಹಕ್ಕಿಯಂತೆ ರಕ್ಕೆ ಕಟ್ಟಿಕೊಂಡು ಏಕಾಂಗಿಯಾಗಿ ಹಾರಾಡುವ ಕನಸನ್ನು ಕಾಣುತ್ತಲೇ ಇದ್ದ. ಯೇವ್ಸ್ ರೊಸ್ಸಿ ಎಂಬ ಸ್ವಿಸ್ ದೇಶದ ಪೈಲಟ್ ಒಬ್ಬಾತ ಈ ಕನಸನ್ನೂ ಕೂಡ ನನಸು ಮಾಡಿದ್ದಾನೆ. ರಕ್ಕೆಗಳಿಗೆ ಸಣ್ಣದಾದ್ ನಾಲ್ಕು ಜೆತ್ ಇಂಜನ್‌ಗಳನ್ನು ಜೋಡಿಸಿಕೊಂಡು ಸ್ವಿಡ್ಜರ್ ಲ್ಯಾಂಡ್ ನ ಆಕಾಶದಲ್ಲಿ ಈತ ಮೋಡಗಳ ನಡುವೆ ಪಕ್ಕಾ ಹಕ್ಕಿಯಂತೆ ಯಶಸ್ವೀ ಹಾರಾಟ ನಡೆಯಿಸಿ ಅಚ್ಚರಿ ಮೂಡಿಸಿದ್ದಾನೆ. ನಂತರ ಪ್ಯಾರಾಚೂಟ್ ಬಳಸಿಕೊಂಡು ನೆಲದಮೇಲೆ ಇಳಿದು ಮುಗುಳ್ನಗೆ ಬೀರಿದ್ದಾನೆ. ನೀವೂ ಬೇಕಾದರೆ ಹೀಗೆ ಯತ್ನಿಸಬಹುದು. ಕೊನೆಯದಾಗಿ ಆಕಾಶದಲ್ಲಿ ಹಾರಾಡಲು ಆಗ್ದಿದ್ದರೆ ನೆಲದ ಮೇಲಾದರೂ ಹಾರಾಡಬಹುದು...!.