Tuesday, January 22, 2013

ಬೆಕ್ಕು ಕೊಂಡು ಹೋಯಿತಲ್ಲ.....


ಸಂಜು ಹದಿಹರೆಯದ ಹುಡುಗ. ತಾಳಗುಪ್ಪದ ಎಸ್.ಸಿ ಕಾಲೋನಿ ನಿವಾಸಿ. ಪಾರಿವಾಳ ಸಾಕುವುದು ಆತನ ಹವ್ಯಾಸ, ಖುಷಿಗಾಗಿ ಒಂದು ಜೊತೆ ಪಾರಿವಾಳಗಳನ್ನು ಕಳೆದ ವರ್ಷ ಮನೆಗೆ ತಂದು ಗೂಡು ಮಾಡಿ ಸಾಕಲಾರಂಬಿಸಿದ್ದು ಇಂದು ಸಣ್ಣ ಪ್ರಮಾಣದ ಆದಾಯಕ್ಕೂ ಕಾರಣವಾಗಿದೆ. ಆಸಕ್ತಿದಾರರು ಸಂಜುವಿನ ಬಳಿ ಬಂದು ಪಾರಿವಾಳಗಳ ಜೋಡಿಯನ್ನು ಹಣ ಕೊಟ್ಟು ಒಯ್ಯುತ್ತಾರೆ. ಜೋಡಿಯೊಂದಕ್ಕೆ ನಾಲ್ಕು ನೂರರಿಂದ ಆರು ನೂರು ರೂಪಾಯಿಗಳ ವರೆಗೆ ಬಿಕರಿಯಾಗುತ್ತವೆ, ಆದಾಯದ ಜತೆಗೆ ಸಾಕಾಣಿಕೆ ಖುಷಿಯೂ ಸಿಗುತ್ತದೆ ಎನ್ನುವ ಸಂಜು, ದೊಡ್ಡ ಪ್ರಮಾಣದಲ್ಲಿ ಪಾರಿವಾಳ ಸಾಕುವ ಇಂಗಿತ ಹೊಂದಿದ್ದಾನೆ. ಪಾರಿವಾಳ ಪ್ರದರ್ಶನ ಸ್ಪರ್ಧೆಯೂ ವರ್ಷದಲ್ಲಿ ಮೂರ್ನಾಲ್ಕು ಬಾರಿ ಸಿಗುವುದರಿಂದ ಅದೂ ಕೂಡ ಹೆಮ್ಮೆಯ ವಿಷಯ ಎನ್ನುವುದು ಸಂಜುವಿನ ಅಭಿಪ್ರಾಯ.

ಸಂಜು ಪತ್ರಿಕೆಗೆ ಫೋಸ್ ಕೊಡಲು ಅಂಗಳದಲ್ಲಿ ಪಾರಿವಾಳಕ್ಕೆ ಅಕ್ಕಿ ಹಾಕಿ ಕುಳಿತಿದ್ದ. ನಾನು ಸಂಭ್ರಮದಿಂದ ಫೋಟೋ ತೆಗೆದುಕೊಳ್ಳುತ್ತಿದ್ದೆ. ಅಷ್ಟರಲ್ಲಿ ಅನಾಹುತವೊಂದು ನಡದೇ ಹೋಯಿತು. ಕಳ್ಳ ಬೆಕ್ಕೊಂದು ಪಕ್ಕದಲ್ಲಿ ನಿಲ್ಲಿಸಿದ್ದ ಕಾರಿನಡಿಯಿಂದ ತೂರಿ ಬಂದು ಪಾರಿವಾಳವೊಂದರ ಮೇಲೆ ಧಾಳಿ ಮಾಡಿ ಹಿಡಿದುಕೊಂಡು ಹೊರಟೇ ಹೋಯಿತು. ಸುತ್ತಮುತ್ತಲಿದ್ದ ಜನರೆಲ್ಲಾ ಬೆಕ್ಕಿನ ಬಾಯಿಗೆ ಸಿಕ್ಕ ಪಾರಿವಾಳ ರಕ್ಷಿಸಲು ಬೆಕ್ಕಿನ ಹಿಂದೆ ಓಡಿದರಾದರೂ ಪ್ರಯೋಜನ ವಾಗಲಿಲ್ಲ. ಕಳ್ಳ ಬೆಕ್ಕು ಪಾಪದ ಪಾರಿವಾಳವನ್ನು ಬಲಿತೆಗೆದುಕೊಂಡೇ ಬಿಟ್ಟಿತು. ನಾನು ಕೂಡ ಬೇಸರದಿಂದ ಮನೆಗೆ ಬಂದು ತೆಗೆದ ಒಂದೊಂದೇ ಫೊಟೋ ನೊಡುತ್ತಾ ಸಾಗಿದಂತೆ. ಕಳ್ಳ ಬೆಕ್ಕಿನ ಕೆಲಸ ಕ್ಯಾಮೆರಾ ಕಣ್ಣಿನಲ್ಲಿ ಸೆರೆ ಸಿಕ್ಕಿಬಿಟ್ಟಿತ್ತು ಅಕಸ್ಮಾತ್ತಾಗಿ. ಸಂಜುವಿನ ಪಾರಿವಾಳ ಸಾಕಾಣಿಕೆ ವರದಿ ಮಾಡಲು ಹೋಗಿ ಪಾರಿವಾಳವೊಂದನ್ನು ಬಲಿಕೊಟ್ಟ ವಿಷಾದದ ಜತೆಗೆ ಕಳ್ಳ ಬೆಕ್ಕಿನ ರಕ್ಕಸತನವನ್ನು ಸೆರೆಹಿಡಿದಂತಾಗಿತ್ತು.

2 comments:

Ramya said...

Papa Bekkigu hotte paadu!!! its Nature ashte...

Aadre yeah very touching :(

abelardolamotta said...

Top Casinos in Phoenix - Mapyro
Phoenix 당진 출장마사지 Casinos. Phoenix Casinos is a casino in the city 군산 출장마사지 of Phoenix, Arizona. 영주 출장마사지 It has been 창원 출장안마 on the 전라북도 출장마사지 map since 2014, providing the best online slots and casino